Уфада Башкортстан Дәүләт Җыены Корылтай рәисе Константин Толкачевны соңгы юлга озаттылар

Уфада Башкортстан Дәүләт Җыены - Корылтай рәисе Константин Толкачевны соңгы юлга озаттылар. Ул 73 яшендә каты авырудан соң вафат була. Мәрхүмнең гаиләсе, хезмәттәшләренең кайгысын уртаклашып - Рөстәм Миңнеханов телеграмма юллаган иде.

Хушлашу мәрәсименә - Дәүләт Советының мактаулы рәисе Фәрит Мөхәммәтшин җитәкчелегендәге делегация барды. Константин Толкачев - Башкортстанның закон чыгару органы белән 2 дистә елдан артык идарә иткән.

Тугандаш халыкларның, Идел буе округындагы республикаларның дуслыгын һәм хезмәттәшлеген ныгытуга юнәлтелгән эшләргә - башлангыч биргән кеше.