Путин Кызыл мәйданда Җиңү парадын кабул итте

Россия Федерациясе Президенты Владимир Путин Мәскәүдәге Кызыл мәйданда Җиңү парадын кабул итә. Чара Бөек Ватан сугышында Җиңүнең 81 еллыгына багышланган.

Дәүләт башлыгы җыелганнарга мөрәҗәгать итеп чыгыш ясады, ветераннарны һәм барлык гражданнарны бәйрәм белән котлады, шулай ук һәлак булганнар истәлеген бер минут тынлык белән хөрмәт итәргә чакырды.

2026 елда парад кыскартылган форматта уза: анда суворовчылар, нахимовчылар, кадетлар һәм хәрби техника катнашмый. Тантана очкычларның һава парады белән тәмамланачак.