Казанда хәрбиләр һәм Лисичанск халкы өчен ярдәм җыю буенча 17 пункт эшли

Казанда мобилизацияләнүчеләр, аларның гаиләләре, «Тимер» һәм «Алга» батальоннары хезмәткәрләре һәм Лисичанск халкы өчен гуманитар ярдәм җыю буенча 17 пункт эшләвен дәвам итә. Сәүдә объектлары базасында – 6 нокта, калганнары шәһәр спорт комплексларында эшли, дип хәбәр итә Казан мэриясе матбугат хезмәте.

Ризыкларны һәм кирәк-яракларны көн саен 10:00 сәгатьтән 20:00 сәгатькә кадәр тапшыра аласыз.

Шәһәрлеләргә озак саклана торган азык-төлек товарлары, гигиена чаралары, медикаментлар, җылы кием-салым һәм аяк киемнәре, шулай ук көнкүрештә кирәкле әйберләр – энә һәм җепләр җыелмасы, савыт-саба һ.б. алып килергә киңәш итәләр. Тулы исемлекне биредә укый аласыз.

Шулай ук Батурин урамында 5 нче бина янындагы парковкада микроавтобус урнашачак. Әйберләр 11:00 сәгатьтән 16:00 сәгатькә кадәр кабул ителә.

Фото: kzn.ru