Татарстанда сабыйларга нинди исемнәр кушканнар? Макей, Рубина, Тамина, Ариэль һәм Залина

Узган атнада, 28 ноябрьдән 4 декабрьгә кадәр, Гражданлык хәле актларын теркәү идарәсенең Казан бүлекләрендә 368 бала — 184 малай һәм 184 кыз тууы теркәлгән. Шул ук вакыт аралыгында 220 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 1150 грамм авырлыкта туган, ә иң зурысы 4580 грамм тәшкил иткән.

Атнаның иң популяр исемнәр арасында Роман, Мирон, Михаил, Сәлим, Валерия, Камилла, Ясминә һәм Ралина булган, ә иң сирәк исемнәр – Макей, Алексей, Альберт, Арнест, Рубина, Тамина, Ариэль һәм Залина.

Фото: pixabay