Казан хакимияте яңа аттракционнар паркы урынын билгеләде

Казан хакимияте Җәмигъ мәчете төзелеше аркасында күчерелергә тиешле аттракционнар паркы шәһәрнең Җиңү паркы янында урнашачагын хәбәр итте.

«Бу бөтенләй төпле, мөһим карар, хәзер тормышка ашыру мәсьәләсе тора. Паркның үзенчәлеген саклап калачак берничә вариант тәкъдим ителәчәгенә шик юк", - дип хәбәр итте Казан мэры Илсур Метшин.

Шәһәр башлыгы сүзләренчә, хәзерге вакытта сайланган территория турында барлык кирәкле мәгълүмат җыела. Исегезгә төшерәбез, «Кырлай» паркын күчерү өчен җиде мәйданчык каралды.

Фото: pxhere.com