Ник алдан уйламадык? Күренекле аш-су остасы Юныс Әхмәтҗанов мирасын югалтабыз?

Башкаланың төп урамында, нәкъ үзәгендә урнашкан бинага читтән, Архангельскидан килгән эшмәкәр хуҗа булган. Без аның белән бу атнада Казанда очрашып сөйләштек. Ул монда ял, күңел ачу үзәге ачмакчы. Сәүдә үзәге сыманрак булырмы, ресторан форматымы - ул әле уйлана гына.

Бу очракта без танылган милләттәшебез, күренекле аш-су остасы Юныс Әхмәтҗанов мирасын югалтабыз. 1969нчы елда ачылган бинада ул гомеренең соңгы көннәренә кадәр эшли. Ни өчен бүген бинаның яңа кеше кулына күчүе - нәкъ менә бренд тарихына нокта кую ул?