Түтәл урынына тау кадәр чүплек!

Казанның Авиатөзелеш районындагы "Заовражье" бакчачылык ширкәтендә яшәүчеләрнең бакчалары янәшәсендә һәм өйләре каршында унар метр биеклектәге чүплек таулары хасил булган.

Буш участокларның өчесенә Камазлар калдыклар ташыйлар икән. Бакчачылар табигать өчен борчыла. Чөнки ерак түгел генә инеш ага, күлләре бар. Тонна-тонна чүп - экологиягә нинди йогынты ясар?