Казанда бер җәяүле өстенә светофор төшкән

Казанда көчле җил исүдән җәяүленең өстенә светофор ауган. Күңелсез хәл кичә Академик Парин һәм Мәүлетов урамнары киселешендә булган. Бу хакта "Татарстан-24" корреспонденты яза.

Вакыйганың шаһитлары ашыгыч ярдәм машинасын чакырткан. Зыян күрүчене төрле дәрәҗәдәге җәрәхәтләр белән хастаханәгә илткәннәр. Бу хәлнең сәбәпләре ачыклана.

Исегезгә төшерәбез, кичә синоптиклар һава торышының сизелерлек үзгәрүен әйткәннәр иде.