Казанда 2 көн парковкалар бушлай эшләячәк

Казанда 8 һәм 9 май көннәрендә муниципаль парковкалар бушлай эшләячәк. Бу Җиңү Көнен бәйрәм итү белән бәйле. Моның турыда Казан мэриясенең матбугат хезмәте хәбәр итте.

Бу яңалык шәһәрдәге барлык парковкаларга кагыла. Әмма Мулланур Вахитов урамындагы муниципаль парковка һәм "Авиатөзелеш" метро станциясендәге җир асты паркингы гадәти режимда эшләячәк.

6 һәм 7 май көннәрендә, ял булу сәбәпле, машиналарны парковкада шулай ук түләүсез калдырып була.

Фото: kzn.ru