Казанның Гадел Кутуй урамында юллар этаплап чикләнәчәк

Казанның Гадел Кутуй урамында юллар өлешчә чикләнәчәк. Бу суүткәргечне реконструкцияләү белән бәйле, диелә шәһәр мэриясе сайтында.

Седов урамына таба юл участокларында юллар ябылачак. Чикләүләр бер-бер артлы этаплап кертеләчәк:

21 июньнән 17 июльгә кадәр – 33 нче йорттан 37 нче йортка кадәр;

23 июньнән 17 июльгә кадәр – 37 нче йорттан 41 нче йортка кадәр;

25 июньнән 17 июльгә кадәр – 41 нче йорттан Седов урамына кадәр.

Фото: ТНВ