Татарстанда сабыйларга нинди исемнәр кушканнар? Макарий, Каталея һәм Эвита

Узган атнада, 12 июньнән 18 июньгә кадәр, Гражданлык хәле актларын теркәү идарәсенең Казан бүлекләрендә 255 бала - 138 малай һәм 117 кыз тууы теркәлгән. Шул ук вакыт аралыгында 279 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 410 грамм авырлыкта туган, ә иң зурысы 4830 грамм тәшкил иткән.

Атнаның иң популяр исемнәр арасында Әмир, Дамир, Матвей, Макар, Анна, Әминә, Валерия һәм Мия булган, ә иң сирәк исемнәр – Макарий, Аслан, Лука, Асаф, Эвита, Каталея, Сәрия һәм Гадел.

Фото: pixabay