Ленин һәм Школьная урамнары буенча хәрәкәт вакытлыча чикләнәчәк

Казанда Ленин һәм Школьная урамнары буенча хәрәкәт, суүткәргеч челтәрләре төзелеше белән бәйле рәвештә, вакытлыча чикләнәчәк.

Ленин урамындагы юлны этаплап ябачаклар:

27 июльдән 1 августка кадәр Рабочая урамыннан 2г номерлы йортка кадәрге участокта;

2 августтан 7 августка кадәр – 2г номерлы йорттан алып Зеленая урамына кадәрге участокта;

8 августтан 13 августка кадәр – 6 нчы йорттан 12 нче йортка кадәрге участокта;

14 августтан 19 августка кадәр – 12/1 номерлы йорттан 24 нче йортка кадәрге участокта.

20-26 август көннәрендә Школьная урамындагы 2 нче йорттан Совет урамына кадәрге юл өлеше тулысынча ябылачак.

Фото: ТНВ