"Безнең ишегалды" программасы буенча быел төзекләндерелергә тиешле объектта эш башланмаган

Көзнең икенче ае бара, ә «Безнең ишегалды» программасы буенча быел төзекләндерелергә тиешле бер объектта эш әле башланмаган да. Сүз Казанның нәкъ үзәгендәге — Борһан Шахиди урамындагы ишегалды турында бара.

Эш шунда ки, хәзер монда җир астындагы җылылык торбаларын, электр чыбыкларын һәм канализацияне алыштыралар. Бөтен җир казылган. Шунлыктан, «Безнең ишегалды» программасы буенча эшкә тотына алмыйлар.

Бу хакта шимбә көнне Хөкүмәт йортында узган киңәшмәдә Рөстәм Миңнехановка җиткерделәр. Быел ишегалдын тәртипкә китерә алырлармы? Мондагы хәлне Илдар Сафиуллин күреп кайтты.