Казанда Карл Фукс урамында хәрәкәтне чикләү тагын бер елга озайтылды

Казанның Карл Фукс урамында автомобильләр хәрәкәте һәм парковкасы чикләнүен озайттылар. Тиешле карар шәһәр муниципаль берәмлегенең Документлар һәм хокукый актлар җыентыгында басылып чыкты, дип хәбәр итә шәһәр мэриясе матбугат хезмәте.

Транспорт хәрәкәте һәм парковкасы 2025 елның 1 гыйнварына кадәр Большая Красная урамыннан Карл Маркс урамына кадәрге ябыла..

Исегезгә төшерәбез, транспорт өчен юл участогы бер ел элек ябылган иде. Чикләүләр террорчылыкка каршы иминлекне тәэмин итү максатыннан кертелә. Автомобильчеләргә алдан ук әйләнгеч маршрутларны планлаштырырга һәм билгеләнгән юл билгеләре буенча хәрәкәт итәргә киңәш ителә.

Фото: ТНВ