Казанның Яңа Савин районындагы биш йортта су сүндерелгән

Казанда Әмирхан урамы буенча Четаев урамыннан Чистай урамына кадәр «Миллениум» күпере ягына таба хәрәкәт вакытлыча чикләнгән. Моның сәбәбе – суүткәргеч челтәрендә авария.

Авария сәбәпле түбәндәге адреслар буенча урнашкан биш йортта су белән тәэмин итү туктатылган:

Чистай урамы, 61а, 61б;

Ф.Әмирхан урамы, 11, 13, 15.

Аварияне бетерү өчен өч авария хезмәте бригадасы һәм 16 берәмлек техника җәлеп ителгән. Бүген социаль челтәрләрдә әлеге авариядән видеолар да пәйда булды.

Фото: скриншот ТНВ