Алексей Козин урамында хәрәкәтне бер айдан артыкка чикләячәкләр

Казанның Яңа Савин районында Алексей Козин урамындагы транспорт хәрәкәтен бер айдан артык чикләячәкләр. Сәбәбе - Миллениум күпере янында кунакханә комплексын төзү кысаларында җылылык үткәргеч трассасы төзелеше, дип яза мэрия матбугат хезмәте.

22 августтан 30 сентябрьгә кадәр Фатыйх Әмирхан урамыннан Алексей Козин урамындагы 9 нчы йортка кадәр юл ябылачак.

Шулай ук, Миллениум күпере астындагы борылыш элмәге буенча транспорт хәрәкәтен вакытлыча чикләячәкләр.

Фото: ТНВ