Казанда күп фатирлы йортта тараканнар үрчегән. Алар белән кем көрәшергә тиеш?

Казанның Голубятников урамындагы күп фатирлы йортта яшәүчеләр өйдә тараканнар йөри, ди. Алар идарәче компаниядән эшкәртүне сорый. Шук вакытта, коммуналь хезмәтләр өчен түләү квитанциясендә «дезинсекция» дигән сүзнең юкка чыгуына игътибар иткәннәр.

Бу - ниндидер аңлашылмаучанлыкмы, әллә инде хезмәт күрсәтми башлаганнармы? Хәзер йортлардагы бөҗәкләр һәм кимерүчеләр белән кем көрәшергә тиеш? Хәбәрчеләребез шушы сорауларга җавап эзләде.