Дистә еллар ремонт күрмәгән! Павлов урамындагы йорт начар хәлдә

"21нче гасырда яшибез, тик йортка гади ремонт ясаганнары да юк!". Татарстанның торак инспекциясе хезмәткәрләре Казандагы иң "куркыныч хәлдәге" йортларның берсен барып күрде.

Ул академик Павлов урамында урнашкан. Подъезд ишеге ябылмый, дивардагы буяу кубып төшкән, өйнең нигезе какшаган. Идарәче компания төзәтергә акча юк, ди.

Янәсе халык үзе гаепле - түләмиләр. Тик ни өчен инспекторлар гаепне хезмәт күрсәтүчеләрнең үзләрендә дип саный? Мәсьәләгә ачыклыкны Инзилә Хөсәенова кертте.