Киләсе елга Казанда шәһәрне бизәү өчен 2 миллион ярым чәчәк утыртачаклар

Киләсе елга Казанда шәһәрне бизәү өчен 2 миллион ярым чәчәк утыртачаклар. Бу - быелгыдан ике ярым тапкырга күбрәк дигән сүз.

Хәзер башкаланың Даурия урамында яңа теплица комплексы төзиләр. Аны ноябрь аенда кулланылышка тапшырмакчылар. Һади Такташтагы иске теплицалар 45 ел элек төзелеп, инде замана таләпләренә туры килми торган була. Яңа бинада - чәчәкне ел әйләнәсе үстерү мөмкинлеге булдырыла, кул хезмәтенә алмашка автоматика килә, хезмәткәрләргә эш шартлары яхшыра.

Теплицаны ТНВ хәбәрчесе Эльмира Имамиева күреп кайтты.