Казанда Серов урамындагы бульварның дүртенче өлешен төзекләндерәчәкләр

Быел Казанда Серов урамындагы бульварның дүртенче өлешен төзекләндерәчәкләр. Эшләр Бердәм Россиянең "Уңайлы шәһәр мохите булдыру" халык программасы буенча башкарылачак.

Әлеге урынның төп үзенчәлеге - ул мөмкинлеге чикле кешеләр өчен җайлаштырылган. Хәзер биредә күл янын төзекләндерергә, анда күзәтү мәйданчыклары ясарга, велосипедта йөрү өчен юллар салырга җыеналар. Шул рәвешле парк территориясен "Ярдәм" тернәкләндерү үзәге белән тоташтырачаклар. Яңартылган маршрут Восход һәм Баруди урамнары чатына кадәр сузылырга тиеш. Төп максат - мондагы сулыкны саклап калу, ди оештыручылар.

Фото: предоставлено Комитетом внешнего благоустройства