https://tnv.ru
07 Июль 2026, 09:30
26
0
Елның беренче яртысында Казанга 3 миллионга якын турист килгән. Шәһәрдә кунакларның гомуми чыгымнары 50 миллиард сум тәшкил иткән. Бу хакта мэриядә узган киңәшмәдә хәбәр иттеләр.
Туристлар агымының артуына йогынты ясаучы төп факторлар арасында зур халыкара чаралар үткәрү, инфраструктураны үстерү һәм шәһәр брендын алга сөрү аталды.
Хәзерге вакытта төп бурычларның берсе — кунакларның шәһәрдә уртача булу вакытын өч көнгә кадәр арттыру. Моның өчен туристик программа яңа объектлар белән тулыландырылачак.
2030 елга Казанда ел саен 7 миллион турист кабул итү дәрәҗәсенә чыгарга ниятлиләр.
Фото: ТНВ
Бүлешергә
Комментарии 0