«Һөнәрдә иң яхшысы» итеп «ТНВ» каналыннан Михаил Любимов аталды

Бүген «Пирамида» мәдәни-күңел ачу комплексында Татарстанда XXV «Бәллүр каләм — 2022» журналистика һәм масса-медиа өлкәсендәге республика бәйгесе лауреатларын бүләклиләр.

«Һөнәрдә иң яхшысы» итеп «ТНВ» каналыннан Михаил Любимов аталды. Любимовның хезмәт җимешләрен сез «7 дней» тапшыруы аша күзәтеп барасыз. Михаилның һәр эше мактауга лаек һәм күп кенә мөһим проблемаларны чагылдыра.

«Любимов — минем өчен чын журналист үрнәге» дип билгеләп үтте «Бәллүр каләм"не тапшырган Россиянең танылган журналисты Максим Шәрәфетдинов.

Номинациядә шулай ук «Татар-информ» журналисты Гөлнар Гарифуллина, «Татарлар» газетасы редакторы Гөлназ Шәйхиева җиңде.