Апас районы журналистлары яңартылган бинада эшли башлады - видео

Кичә Апас районы редакциясе хезмәткәрләре яңартылган бинада эшли башлады. Аны 5 ай эчендә төзекләндергәннәр.

Журналистларның эш шартлары белән Татарстанның журналистлар берлеге рәисе Илшат Әминев, Республиканың “Татмедиа” агентлыгы җитәкчесе Айдар Сәлимгәрәев һәм Апас районы башлыгы Айрат Җиһаншин таныштылар. Бина 1972 елда ук төзелгән. Район җитәкчелеге аны чын медиаүзәк итәргә карар кылган була.

Биредә "Йолдыз" газетасы хәм "Апас хәбәрләре" телевидениесе редакцияләре урнашкан. Быел газета чыга башлауга 90, ә телевидение ачылуга -15 ел. Шушы еллар дәвамында 17 хезмәткәр Апас яңалыкларын халыкка тиз арада җиткереп тора. Моны район җитәкчелеге дә югары бәяли. Туларак "Татарстан хәбәрләре" репортажында.