"Идел-пресс" нәшрияты оешуга 55 ел тулды

Кичә "Идел-пресс" нәшрияты оешуга 55 ел тулды. Шул уңайдан "Татмедиа" бинасында тантана үтте. Анда озак еллар әлеге типографиядә эшләүче хезмәткәрләрне котладылар.

"Идел Пресс" елына 18 миллионнан артык газета бастыра һәм 10 миллионга якын калын тышлы китаплар нәшер итә. Ул Идел буе Федераль округындагы төп нәшриятларның берсе. Анда эшләүче хезмәткәрләрне бүген безнең хәбәрчеләребез котлап кайтты.