ТНВда онлайн Сабантуй!

Быел барлык халыкларның уеннары да онлайн форматта үтте. Бу татар халкының Сабантуена да кагылачак. 4 нче июль көнне ТНВ каналында милли бәйрәмебезгә багышланган зур телемарафон булачак. ТНВда Сабантуй - җыр-биюләр, гореф-гадәтләр, сабантуйның төп ярышлары - барсы да онлайн күрсәтелә. "Татарстан хәбәрләре"нең бәйрәм чыгарылышларын да карый алачаксыз.

Сабантуй тамашачыларсыз була алмый, шуңа күрә милли бәйрәмебездә ҺӘРКЕМ катнаша ала! Инстаграм челтәрендә видео форматта #сабантуйтнв хештегы белән үзегезнең котлау, сәламнәрегезне урнаштырыгыз һәм алар 4 июль көнне ТНВ телеканалында күрсәтеләчәк!