Гөлназ Рәхмәтуллина: Тамашачыларны, кунакларыбызны сагынырмын

13 ел буе "Манзара" мәгълүмати-күңел ачу тапшыруын алып барган, 2000 елда телевидениега килгән Гөлназ Рәхматуллина үз теләге белән телеэкраннардан китә.

"Эшемне, хезмәттәшләремне, тамашачыларыбызны, тапшыру кунакларын бик сагынырмын. Барыгызны да бик яратам", - ди Гөлназ.

Шулай ук Гөлназ китү сәбәпләрнең берсе булып үзен башка юнәлештә сынап карарга теләве турында әйтте.

"Яңа Гасыр" телеканалы коллективы коллегабызга рәхмәт белдерә һәм яңа үрләргә ирешергә теләп кала.