Камал театры артистлары мәрхүм хезмәттәшләре каберенә зиярат кылды

Камал театры артистлары бүген татар зыялылары һәм мәрхүм хезмәттәшләре каберенә зиярат кылды.

Артистлар Казанның Яңа-татар бистәсе зиратында булдылар. Бу — театрның күп елларга сузылган күркәм традициясе.

Исегезгә төшерәбез, 1 октябрь 19.00 сәгатьтә легендар «Зәңгәр шәл» спектакле белән Г. Камал исемендәге Татар дәүләт Академия театры 116нчы сезонын ача. Яңа сезонда Россиянең иң борынгы милли театры тамашачыларын премьералар, оркестр концертлары, интерактив экскурсияләр, бәйгеләр, юбилейлар, фестивальләр һәм форумнар көтә.