Кәрим Тинчурин театрында физик мөмкинлеге чикле балалар премьера тәкъдим итте

Кәрим Тинчурин театры каршында эшләп килүче "Могҗиза" театр студиясе премьера тәкъдим итте. Ул Илфак Хафизовның "Миһербанлык" әсәре буенча сәхнәләштерелгән.

Әлеге спектакль аша гаджетлар заманында чын аралашудан читләшә барган бала һәм яшүсмерләргә дуслыкның кыйммәтен аңлатырга телиләр. Премьераны физик мөмкинлеге чикле балалар әзерләгән.

Алар театр студиясендә Татарстанның халык артисты Зөфәр Харисов җитәкчелегендә шөгыльләнә. Бергәләп сәхнәдә могҗиза ясый башлауларына - 5 ел.