https://tnv.ru
07 Апрель 2023, 17:39
545
0

Бүген Казан Кремлендә Татарстан Рәисе Республиканың халык артистлары Равил Шәрәфиев һәм Ринат Таҗетдиновны 85 яшьлек юбилейлары белән тәбрикләде. Бу хактагы мәгълүмат Рәиснең рәсми сайтында пәйда булды.
Артистларның икесе дә - танылган "Щепкинчылар". 1961 елда Мәскәүдә укып кайткач, Галиәсгар Камал исемендәге театрда эшли башлыйлар. Алар 62 ел дәвамында татар театрына тугры калып, илдәге милли мәдәниятне үстергән шәхесләр.
Республика алдындагы гаять зур казанышлары өчен Татарстан Рәисе Равил Шәрәфиевкә "Дуслык" орденын, Ринат Таҗетдиновка "ТАССР оешуга 100 ел" медален тапшырды. "Равил ага! Ринат ага! Сезнең күпьеллык иҗатыгыз, тугры хезмәтегез чиксез хөрмәткә лаек. Сез - татар театры өлкәсендә үз исемегезне булдырган кешеләр. Милли сәнгать үсешенә керткән зур өлешегез өчен рәхмәт сезгә!", - дип тәбрикләде легендар артистларны Рөстәм Миңнеханов.
Фото: rais.tatarstan.ru
Артистларның икесе дә - танылган "Щепкинчылар". 1961 елда Мәскәүдә укып кайткач, Галиәсгар Камал исемендәге театрда эшли башлыйлар. Алар 62 ел дәвамында татар театрына тугры калып, илдәге милли мәдәниятне үстергән шәхесләр.
Республика алдындагы гаять зур казанышлары өчен Татарстан Рәисе Равил Шәрәфиевкә "Дуслык" орденын, Ринат Таҗетдиновка "ТАССР оешуга 100 ел" медален тапшырды. "Равил ага! Ринат ага! Сезнең күпьеллык иҗатыгыз, тугры хезмәтегез чиксез хөрмәткә лаек. Сез - татар театры өлкәсендә үз исемегезне булдырган кешеләр. Милли сәнгать үсешенә керткән зур өлешегез өчен рәхмәт сезгә!", - дип тәбрикләде легендар артистларны Рөстәм Миңнеханов.
Фото: rais.tatarstan.ru
Бүлешергә
Комментарии 0