Шәмсия Җиһангирова 75 яшьлек юбилеен «Яшик әле» кичәсе белән билгеләп үтте

Нечкә күңелле шагыйрә, аның иҗат җимешләре үзеннән-үзе көйгә салына. Ә ягымлы тавышы җаннарны иркәли. Танылган шагыйрә, прозаик, журналист Шәмсия Җиһангирова Кәрим Тинчурин театры сәхнәсендә үзенең 75 яшьлек юбилеен билгеләп үтте.

"Яшик әле" дип аталган кичәгә аның иҗатын яратучы тугры тамашачысы, Мөслим районыннан - якташлары, дуслары һәм якыннары килгән иде. "Көчсез була алганы өчен көчле хатын-кыз" - Шәмсия Җиһангирова бүген нинди хыяллар белән янып йөри? Юбиляр белән Люция Нотфуллина очрашты.