Казанда 3 яшьлек бала 5нче каттагы фатир тәрәзәсеннән егылып төшеп үлә

Руслан ГУСАМОВ, Татарстан Прокурорының өлкән ярдәмчесе вазифаларын башкаручы:
- Бүгенгә булган мәгълүмат буенча, бала караучысыз калган. Ул тәрәзә төбенә менгән, аны ачкан, москитлы челтәргә таянган, сетка баланы тотып тора алмый, ул егылып төшә.

Тикшеру комитеты саксызлык аркасында үлемгә китерү маддәсе буенча җинаять эше ачты. Фаҗига булган йортта яшәүчеләр әйтүенчә, баланы әти-әнисе әбисенә калдырган була. Әбисе үз чиратында 13 яшьлек улына тапшырып, каядыр китә.

Статистика буенча, балаларның тәрәзәдән егылып төшүнең иң еш очрый торган сәбәбе - тәрәзәләрнең җиңел ачылуы һәм москит челтәрләре. 4 кызлы Насыйбуллиннар гаиләсе мондый бәладән балаларын алдан ук кайгыртып куя.

Энҗе НАСЫЙБУЛЛИНА:
- Яшибез 19нчы катта, шуңа күрә күченгәнче үк тәрәзәге ачкычлар куйдык, хәзер күңел тыныч алла бит сакланганны саклармын дигән, баллаар исәнлеге өчен әти-әни җаваплы.

Рәмия апа Кадыйрова фатир тәрәзәләренә ачкычларны 2 атна элек куйдырган. Хәзер 5 яшьлек оныгы өчен күңеле тыныч.

Мондый җайланмалар балаларга тәрәзәне ачарга ирек бирми. Хәзер сезон башлангач аларны куюны сораучылар аеруча арта ди аларны куючы эшмәкәрләр.

Алексей КАКАРОВ, пластик тәрәзәләр куючы эшмәкәр:
- Фаҗигале очраклар кызганыч артып тора, шуңа әти-әниләрнең уяулыгы да арта. Ешрак заказ бирә башладылар. Бу балаларны биеклектән егылудан саклау өчен иң кулай алым.

Павлюхин урамы 120 нче йорттагы бу фаҗига бюыел беренче очрак. Кызганыч узган ел да моңа охшаш очраклар булды. Июлҗдә 8нче каттан елып 4 яшьлек кыз вафат була. Әлмәттә 3 яшьлек малай 9нчы каттан егылып тәшеп үлә. Иң беренче һәм иң төп сәбәп балаларны караучысыз калдыру ди белгечләр. Ә моның өчен җинаять җаваплылыгы каралган.