2021 елның 5 аенда анда Татарстан эшмәкәрләре 8 миллиард 300 миллион сумлык товар саткан

Әлеге сүзләрне Президент республика эшмәкәрләре белән очрашуында җиткерде. 2020нче елгы пандемия бизнесны "какшатты". Әмма бу кыенлыклар ике яклы булып чыкты. Беренчедән, сату-алу күләмен кискен киметсә, икенчедән, онлайн сатып алучыларның санын арттырды. Димәк, онлайн сәүдә мәйданнарына чыгу һәм анда эшли белү кирәклеген күрсәтте. Товарын федераль кибетләргә чыгара алмаган эшмәкәрләр өчен хәзер маркетплейсларда сату мөмкинлеге бар.

Ел башыннан шундый мәйданнарга кергән эшмәкәрләрнең саны республикада 61%ка арткан. Хәзер 7900 кеше шунда сату итә. Быелның 5 аенда анда безнең эшмәкәрләр 8 миллиард 300 миллион сумлык товар саткан. 20нче ел белән чагыштырганда ике тапкыр күп. Нәрсә ул маркетплейс? Эшмәкәрләр анда ничек керә һәм эшли башлый? Фәйрүзә Мәҗитова өйрәнде.