Чаллыда бер ир-ат хатыны белән баласына бензин сибеп, яндырмакчы булган

Яр Чаллыда яшәүче бер ир-ат баласы белән хатыны өстенә бензин сипкән һәм аларны тереләй яндыру белән янаган. Бу хакта социаль челтәрләр хәбәр итә, дип яза "Шәһри Казан" газетасы.

Әлеге хәл кичә 52 нче комплекслы фатирларның берсендә төнлә булган. Урынга коткаручылар, табиблар һәм полиция килгән.

Ирне тоткарлаганнар һәм полиция бүлегенә китергәннәр. Килеп чыккан хәлнең шартлары ачыклана.

Фото: pixabay.com