Тагын бәяләр арта?

Узган атнада Берләшкән милләтләр оешмасы дөняда җитештерелә торган товарларның 10%ка бәясе артачак дигән фараз ясады. Бу фикер сәүдә һәм үсеш конференциясендә яңгырый. Белгечләр аңлатуынча, бу хәл пандемия вакытында ил чикләре ябылу, контейнер белән товар ташуның кыенлашуы һәм аның бәясе артуга бәйле.

Безнең илгә бу күренеш никадәр йогынты ясар - әлегә төгәл беркем әйтә алмый.

Татарстанстат республикада, азык-төлеккә бәя быел 5%ка арткан дип хәбәр итте. Ә көндәлек товарларга 9%ка. Ил буенча караганда, ризыкның кыйммәтләнүе инфляция күрсәткечен дә узып китә. Аны туктатыр чара бармы? ТНВ хәбәрчесе Гөлназ Сәйфетдинова бу хәлгә ачыклык кертте.