Казаннан Курск өлкәсенә иң зур партия гуманитар йөк озаттылар

"Бәла агач башыннан түгел, кеше башыннан йөри" ди татар. Инде икенче атнасын бөтен Республика халкы бердәм булып, Украина кораллы көчләре һөҗүменнән зыян күргән - Курск өлкәсе халкына ярдәм итә. Бүген Казаннан анда иң зур партия гуманитар йөк озаттылар. Республика җитәкчелеге тәкъдиме белән ачылган исәп-хисап счетына халык акча күчерүен дәвам итә. Рөстәм Миңнеханов - үз хезмәт хакының бер өлешен шунда күчерергә булган.

Хәйрия гамәленә дәүләт органнары, башка коллективлар кушыла башлады. ТНВ хезмәткәрләре дә хезмәт хакының бер өлешен ярдәмгә тотачак. Татарстанлыларның йөрәк җылысы белән җыйган ярдәме хакында - Рүзәл Шәрипов.