Кукмара районында яшәүче 25 яшьлек кыз тюбингта шуып умыртка баганасын имгәткән

Таудан шуганда, умыртка баганасын имгәтә. Тиз арада Казанга озаталар, катлаулы операция кичергән. Кукмара районында яшәүче 25 яшьлек Ксения Васильева өчен Яңа ел яллары шулай башлана. 

Татарстан буенча бу беренче очрак кына түгел.. Бер атна элек Казанның Яңа Аракчино бистәсендә машинага беркетелгән тюбингта шуып, 20 яшьлек кыз һәлак була. Республиканың балалар клиник хастаханәсенә дә гыйнвар башыннан мондый "ватрушкалар"да шуганда зыян күргән 15 сабыйны китерәләр. Уеннан уймак чыгару очраклары хакында Эльмира Имамиева репортажында.