30 апрель Татарстанда кыскартылган эш көне каралганмы?

Россиядә 30 апрельдә эш көне бер сәгатькә кыскарак булачак, чөнки аннан соң Яз һәм хезмәт бәйрәме — 1 Май килә. Бу хакта РИА НовостигаХакимият каршындагы Финанс университеты доценты Игорь Балынин хәбәр иткән.

Ул аңлатканча, РФ Хезмәт кодексы буенча, бәйрәм алдыннан эш көне 1 сәгатькә киметелә. Шуңа күрә атнасына 5 көн, көненә 8әр сәгать эшләүчеләр өчен 30 апрельдә эш вакыты 7 сәгать тәшкил итәчәк.

Шул ук вакытта бәйрәм һәм кыскартылган көннәр окладлы хезмәткәрләрнең хезмәт хакына тәэсир итми, чөнки ул эшләнгән вакытка карап исәпләнә.

Фото: ru.freepik.com