Капремонт вакытында фатирларны су баскан: Хәсән Туфан урамында халык ярдәм көтә

Казанның Хәсән Туфан урамындагы 22нче йортта быел капиталь ремонт эшләрен башлаганнар. Тик биредә яшәүчеләрнең шатлыгы озакка бармый.

Төзекләндерүгә мартта керешкәннәр, июльдә тәмамларга тиешләр. Ләкин халык инде хәзер үк башкарылган эшләрнең җитешсезлекләрен күрә. Яңгыр вакытында фатир түшәмнәренә су үтте диләр.

Эшчеләр дә бик еш урында юк дип зарланалар. Хәбәрчебез Алия Сабирова капиталь ремонт баручы әлеге йортка юл тотты.