"Шәһри Казан" газетасының баш мөхәррире Радик Сабировны соңгы юлга озаттылар

Татарстан матбугаты өчен зур югалту. "Шәһри Казан" газетасының баш мөхәррире Радик Сабировны соңгы юлга озаттылар.Тромб өзелү сәбәпле ул кичә кич вафат була. Радик Сабировка нибары 47 яшь иде.

Аның ике кызы калды. Бүген хезмәттәшебез белән хушлашырга йөзләгән кеше җыелды. Туганнары, якыннары, журналистлар, спортчылар. Кемдер өчен ул - хезмәттәш, дус, икенчеләре аны җитәкче һәм остаз дип атый.

Радик Сабиров безнең күңелләрдә нинди булып истә калыр? Хушлашу мәрәсименнән Нәфисә Минәҗева.