Татарстанның берничә шәһәрендә БПЛА һөҗүме куркынычы игълан ителде

Бүген Мәскәү вакыты белән 07:36да Әлмәт, Бөгелмә, Лениногорск, Алабуга, Түбән Кама һәм Яр Чаллыда пилотсыз очкычлар һөҗүме куркынычы игълан ителде. Бу хакта Россия Гадәттән тыш хәлләр министрлыгы хәбәр итте.

07:38дә Казан, Түбән Кама һәм Бөгелмә аэропортларында «Ковер» режимы кертелде. Моннан тыш, 06:38дән «Пилотсыз очкыч һөҗүме куркынычы» режимы гамәлдә.

Күктә пилотсыз очкыч күргән очракта, бу турыда кичекмәстән 112 телефоны аша хәбәр итәргә кирәк.

Фото: ТНВ