Татарстаннан хәрби хезмәткә 150 егетне озаттылар

Кичә Татарстаннан хәрби хезмәткә 150 егетне озаттылар. Алар язгы чакырылышта алыначак 3 200 солдатның бер өлеше генә. Бу төркемне - иң әзерлеклесе, диләр. Чөнки күбесе - урта һәм югары белемле.

Шулай ук ДОСААФта укып, белгечлек алучылар да күп. Җыелу пунктыннан аларны концерт куеп озаттылар. Солдатларга хәрбиләр һәм дин әһелләре хәер-фатихасын бирә. Ә кеше хокукын яклаучы белгечләр - авыр хәлдә калган очракка дип, телефон номерлары белән белешмәләр өләште. Тулырак Динә Нәҗметдинова репортажында.