Владимир Путин яшәү минимумын 8,6% арттырырга тәкъдим итте

Россия Президенты Владимир Путин белдергәнчә, 2022 елда яшәү минимумы күләме 8,6 процентка артачак һәм минималь хезмәт хакы күләме 13 890 сум тәшкил итәчәк.



Россия вице-премьеры Татьяна Голикова яшәү минимумын һәм минималь хезмәт хакын индексацияләү барлык социаль пособиеләр һәм хезмәт хакларында 8,6 процентка чагылачак, дип белдерде.

Вице-премьер яшәү минимумын индексацияләүгә барлык социаль пособиеләр дә бәйле, ә бу 16 млн гражданга кагыла, дип ассызыклады.