Миңнеханов һәм Хәбиров Татарстан һәм Башкортстан арасында чикнең урнашу урыны турында килешү имзаладылар

Бүген ТР Президенты Рөстәм Миңнеханов һәм БР башлыгы Радий Хәбиров Татарстан һәм Башкортстан арасында чикнең урнашу урынын билгеләү турындагы килешүгә кул куйдылар. Очрашу Казан Кремлендә узды.

Моннан тыш, алар сәүдә-икътисадый, фәнни-техник, социаль һәм мәдәни өлкәләрдә хезмәттәшлек турында килешү буенча чаралар планын расладылар.

ТР Президенты матбугат хезмәте мәгълүматлары буенча, Башкортстан башлыгы Казанга РФ Куркынычсызлык Советы Секретаре Николай Патрушев үткәргән уртак киңәшмәдә катнашу өчен сәфәр кылган.

фото: пресс-служба президента РТ