Татарстан Президенты Чаллыда Халыклар дуслыгы йортында булды

Бүген Чаллыга эш сәфәре кысаларында Татарстан Республикасы Президенты Рөстәм Миңнеханов капиталь ремонттан соң «Родник» халыклар дуслыгы йортын карады. Президентка йортны ТР мәдәният министры Ирада Әюпова һәм Чаллы шәһәре мэры Наил Мәһдиев күрсәткән.

Рөстәм Миңнеханов 210 урынлы тамаша залын, хореография залын, милли-мәдәни берләшмәләр кабинетларын карап чыкты, дип яза Президент матбугат хезмәте.

Төзелеш эшләре узган елның көзендә башланган. Түбә ремонтланган, бинаның фасады ябылган, тәрәзәләр, ишекләр һәм инженерлык системалары алмаштырылган, эчке биналар бизәлгән. "Родник" халыклар дуслыгы йорты Чаллыда 2000 елдан бирле эшли. Монда 22 милли җәмгыять һәм 11 якшәмбе мәктәбе урнашкан. Автокалада барлыгы 80нән артык милләт вәкилләре яши.

Фото: t.me/rustamminnikhanov