Авырулар зары: Республикада пациентларның 46%ы табибка языла алмый?

Республикада пациентларның 46%ы табибка языла алмый. Дәүләт хезмәтләре порталы аша да, регистратурага шалтыратып та. Бу исемлеккә Баулы, Яр Чаллы, Түбән Кама, Әлмәт, Яшел Үзән кергән. Тәнкыйт сүзләре Сәламәтлек саклау министрлыгы коллегиясендә Республика Рәисе чыгышында яңгыраган иде.

Халык белән эшне оештыра алмыйсыз, диде ул. Әлмәттән кала, шушы ук районнар тагын бер тискәре рейтингкка кергән. Анда яшәүчеләр медицина ярдәменең сыйфатыннан канәгать түгел. Бүген безнең иҗат төркем шундый исемлеккә кергән районнарның берсе - Яшел Үзәнгә юл алды һәм хәбәрчеләребез гап-гади пациент ролендә табибка язылырга тырышып карады.