Түбән Камада зыян күрүчеләрне дәвалау мәсьәләсе федераль дәрәҗәдә каралды

Түбән Камада зыян күрүчеләргә медицина ярдәме күрсәтү турында - бүген Рөстәм Миңнеханов - Россиянең сәламәтлек саклау министры Михаил Мурашко белән очрашуда сөйләште.

Ул Казанга кичә килгән иде. Төнлә консилиумнарда катнашып, пациентларны Мәскәүгә күчерү карарын кабул итте. Михаил Мурашконың Татарстанга килүенең тагын бер җитди сәбәбе - ул Казанның медицина университеты коллективына яңа ректорны тәкъдим итә.

 Айрат Фәррахов - бу вазыйфаны әлегә вакытлыча башкарачак. Шулай ук, федераль министр балалар сырхауханәсенә барды. Аның эш сәфәрен көне буе Люция Нотфуллина күзәтә.