РКБда катлаулы операция: 27 яшьлек мотоциклистның гомерен саклап калганнар

8 җирдән сөякләре сынган, 5 операция кичергән, 3 көн комада яткан. Бу - 27 яшьлек Раиф Сәлахиевка 2 атна эчендә кичерергә туры килгән авырлыкларның бер өлеше генә. Июнь ахырында ул мотоциклда барганда җиңел машина белән бәрелешә. Авыр хәлдә егетне РКБга китерәләр.

Биредә аның аортасы ертылуы билгеле була. Мондый очракта 10 пациентның 9ын саклап кала алмыйлар. Өстәвенә, һәр минут кадерле вакытта - операция өчен кирәкле җиһазның бары тик Мәскәүдә генә булуы ачыклана. Могҗизага тиң очрак хакында - Рүзәл Шәрипов.