Гөлсирин Абдуллина: Кыз бала тусын дип хыялланам

Яңа ел алдыннан татар җырчылары Азат Абитов һәм Гөлсирин Абдуллина әти-әни булырга әзерләнә диеп язган идек. Рәшит Ваһапов исемендәге халыкара татар җыры фестивале социаль челтәрләрендә булачак әти-әни белән интервью чыкты.

Азат һәм Гөлсирин Яңа ел бәйрәмнәрен ничек һәм кайда уздыруларын, нинди бүләкләр бирешкәннәрен һәм туачак бала турында сөйләделәр.

"Мин кыз булсын иде, дип хыялланам", - диде Гөлсирин Абдуллина. Азат Абитов исә, кыз яки малай күбрәк туу турында хыялланмый икән. "Мин кызны күбрәк көтәм дисәм, малай туса аны рәнҗетермен кебек, яки киресенчә. Шулай да кыз туар кебек тоела", - диде җырчы.

Фото: @gulsik9313