Хәния Фәрхинең сеңлесе Фирүзә ханымга "мәрхүмә аркасында акча эшлисең" дип язалар

Инстаграмда Хәния Фәрхи сеңлесенә "начар" комментарийлар килеп тора икән. Фирүзә Ибаттуллина түзә алмыйча, берсен Инстаграмда урнаштырганнар. Анда Фирүзә ханым Хәния Фәрхи аркасында акча эшләп ята дип язалар.

"Моңа кадәр дә шакшы, пычрак язган бәндәләр бар иде. Тик монысына җитми дә, җитми инде. Кояшымның кызыл китабына кертәм мин сине, бөҗәккәем! Әйе, дөрес язасың. Кояшым миңа миллионнарын почта аша салып кына тора. Эх, бик шәп акча чыга торган шахтада эшли минем күз нурым. Үземне җәлләтергә язмыйм. Мин үз көчемдә, үз акылымда, Ходайга мең шөкер, мин үзем генә тугел”, - дип яза Фирүзә ханым.

Исегезгә төшерәбез, Башкортстанда Татарстанның халык артисткасы Хәния Фәрхи музее ачылган. Аны сеңлесе Фирүзә җитәкли. Хәния Фәрхи 2017 елның 27 июлендә вафат булган иде.