Зур шатлык - Фәтхетдиновлар гаиләсендә кыз туды!

Салават Фатхетдиновның бертуган абыйсының улы, Башкортстанда иҗат итүче җырчы Айдар Фәтхетдиновның кызы туган. Бу хакта ул Вконтактедагы битендә хәбәр итте.

«Бүген минем иң бәхетле, иң куанычлы көннәремнең берсе, дуслар! Шушы дөньяга кызым аваз салды, Аллаһка шөкер. Мин бик бәхетле, Иншаллаһ. Сүз белән генә аңлатып бетереп булмый барын да. Бергә-бергә карап үстерергә насыйп булсын кызыбызны, Аллаһы боерса. Ярдәменән ташламасын безне киләчәк көннәребез дә», — дип яза Айдар.

Фәтхетдиновлар гаиләсен котлыйбыз, игелекле бала булып үссен!

Фото: ВКонтакте